ராம்ஜீ 

 தமிழ் இலக்கிய வரலாற்றில் தவிர்க்க முடியாத மரபுக் கவிஞராய் இலக்கியவாதிகளை அண்ணாந்து பார்க்க வைத்தவர் காப்பியக்கோ ஜின்னாஹ் ஷரிபுத்தீன்.   பவளவிழாக் கண்ட காவியப் புலவர. கிழக்கு மண்ணின் ஈடிணையற்ற தமிழ் ஆளுமையான புலவர்மணி ஆ.மு.ஷரிபுத்தீனின் இலக்கிய வாரிசு இவர். 1965களில் ஆரம்பித்த இவரது இலக்கியப் பணி இன்றுவரை சுமார் 5 தசாப்தங்களையும் கடந்துச் செல்கின்றது. 

தமிழ் இலக்கியத்தின் பல்பரிமாண ஆளுமை கொண்ட இவர், பல காவியங்கள் படைத்ததோடு சிறுகதை, புதினம், சிறுவர் இலக்கியம், மொழிமாற்றம் போன்ற இதர துறைகளிலும் தடம் பதித்தவர். பத்தாயிரத்துக்கும் அதிகமான செய்யுள்களைக் கொண்டு பதினொரு காவியங்கள் படைத்து இந்த நவீன இலக்கிய மரபின் ஆளுகைக்குள்ளும் படைத்துக் காட்டியவர். சுமார் ஐந்து தசாப்தங்களாக இலக்கியப் பணி புரியும் இலக்கிய உழைப்பாளி.

தமிழ்ச் சங்கத்தின் துணைத் தலைவராக, பொதுச்செயலாளராக பணியாற்றிய இவர் தமிழ்_ முஸ்லிம் உறவுகளின் ஐக்கியச் சின்னமாக இருந்து வருகிறார்.

இவர் எழுதிய பண்டார வன்னியன் காவியம், எல்லாள காவியம் போன்ற படைப்புக்கள் ஈழத்து சமூகவியல், அரசியல் வரலாற்றுத் துறைகளின் இலக்கிய ஆவணமாக மாறியுள்ளமை தமிழர்களின் இருப்பையும், தமிழின் இருப்பையும் இலங்கையில் உறுதி செய்துள்ளது. அது ஜின்னாஹ்வின் தமிழ் சார்ந்த மாபெரும் இலக்கிய அரசியலில் ஆவணப்படுத்தலாகும்.

 இலங்கை இஸ்லாமிய இலக்கிய ஆய்வகத்தின் ஸ்தாபகத் தலைவரான காப்பியக்கோ,இலங்கையில் இரண்டு உலக இஸ்லாமியத் தமிழ் இலக்கிய மாநாடுகளைத் தலைமை ஏற்றுச் சிறப்புற நடாத்தியிருந்தார். இந்தியா, மலேசியா, சிங்கப்பூர் போன்ற நாடுகளில் அவருக்கிருந்த அங்கீகாரங்களின் மூலம் உலக இஸ்லாமிய தமிழ் இலக்கிய மாநாடுகள் இலங்கையில் வெற்றிகரமாக நடந்தேறின.

 முத்துநகை–(1989), பாலையில் வசந்தம்(1989, மஹ்ஜபீன் காவியம் (1992), புனித பூமியிலே காவியம் (1998) பனிமலையின் பூபாளம் (1995), கருகாத பசுமை (புதினம்) (2000) , ஜின்னாஹ்வின் இரு குறுங் காவியங்கள் (2001) , கடலில் மிதக்கும் மாடிவீடு (2002), அகப்பட்ட கள்வன் (2003), பெற்றமனம் - சிறுகதைத் தொகுப்பு (2003) , எங்கள் உலகம் (2003), பண்டார வன்னியன் காவியம -(2005), திருநபி காவியம் (2006), திருமறையும் நபிவழியும் (2007), வேரறுந்தநாட்கள் (2008), ராகுலுக்கு ஓருபுதுவண்டி  (2008), சிறுமியும் மந்திரக் கோலும்                             (2010), தீரன் திப்புசுல்தான் காவியம் (2010), அன்பின் கருணையின் பேரூற்று (2010), வாத்தியார் மாப்பிள்ளை காவியம் (2011), 'கேள்வியும் பதிலும்' (2011), எல்லாள காவியம் (2013), நாயனொடு வசனித்த நந்நபி (மூஸாநபி காவியம்) (2014), அன்னை கதீஜாவும் அண்ணலார் குடும்பமும் காவியம் (2017) முக்காழி -புதினம் (2018), மைவண்ணன் இராமகாவியம்(2020), 

தேசிய சாஹித்திய விருது , தமிழியல் விருது, கிழக்குமாகாண சாஹித்தி விரதுகள் உட்பட நூற்றுக்கணக்கான விருதுகளையும் உள்நாடு, வெளிநாடுகளில் சிறந்த கௌரவங்களையும் விருதுகளையும் பெற்ற எழுத்தாளராக திகழும் ஜின்னாஹ் ஷரிபூத்தீன் இன்று தனது நூல் ஒன்றையும் வெளியிடவுள்ளார். 

'மைவண்ணன் இராமகாவியம்' என இவரது நூல் இன்று வெள்ளவத்தை, கொழும்புத்தமிழ்ச்சங்கத்தில் வெளியிட்டு வைக்கப்படவுள்ளது. இன்று 21ஆம் திகதி ஞாயிற்றுக்கிழமை பிற்பகல் 4மணிக்கு இடம்பெறவுள்ளது. 

எஸ்.டி.சிவநாயகம் அரங்காக, கொழும்புத்தமிழ்ச்சங்கத்தின் தலைவர் ஆ.குகமூர்த்தி தலைமையில் இடம்பெறவுள்ள இந்நிகழ்வில்,பேராசிரியர் சோ. சந்திரசேகரம், முஸ்லிம் சமய பண்பாட்டு அலுவல்கள் திணைக்களத்தின் பணிப்பாளர் அஷ்ஷேய்க் . ஏ.பீ.எம்.அஷ்ரப் ஆகியோர் முன்னிலை வகிக்க உள்ளனர். 

பொதுவாக அரசியலில் பெண்கள் களம் இறங்குவது குறைவு. அப்படியே இறங்கினாலும் பல தடைகளைத் தாண்டி உயர் பதவிகளை அடைவது வெகு குறைவு. மலையக அரசியல் பயணத்தின் ஆரம்பம் ஆண் பெண் பால்சமத்துவத்துடனேயே ஆரம்பமானது எனலாம். 1920 களில் கோ.நடேசய்யர் மலையகத்தில் தொழிற்சங்க அரசியல் பயணத்தை ஆரம்பிக்கும் போதே உடனிருந்து சமதளத்தில் செயற்பட்டவர் திருமதி.மீனாட்சியம்மை நடேசய்யர். எனினும் காலப்போக்கில் அந்தக் கலாசாரம் மறைந்து போனது.

மலையகப் பெருந்தோட்டங்களில் பெண்களே அதிகம் வேலை செய்கின்றனர். எனினும் தொழிற்சங்க உயர் பொறுப்புகளில் பெண்களுக்கு இடம் வழங்கப்படுவதில்லை. அதே தொழிற்சங்கங்கள்

அரசியல் கட்சிகளானபோதும் அங்கும் பெண்கள் உயர்பதவி வகிப்பது அரிது.

 ஒருவர் தனது சுயசரிதத்தை எழுத வேண்டும் என்றால் அதற்கென தனித்துவமான தற்துணிவு இருக்க வேண்டும். துணிந்து தனது சுயசரிதத்தை எழுதி சத்தியசோதனை யாக வெளியிட்டமையினாலேயே மகாத்மா காந்தி இன்றும் போற்றபடுகின்றார். அந்த வகையில் தனது வாழ்வியலை மாத்திரம் அல்லாது அதன் மூலம் தனக்கு பின் உள்ளவர்களுக்கு ஒரு படிப்பினையான அனுபவர்பகிர்வாக கல்வியாளர் எம்.வாமதேவன் வெளியிடவுள்ள 'குன்றிலிருந்து கோட்டைக்கு' எனும் நூல் அமைந்துள்ளது.

 இந் நவீன யுகத்தில் பரதக் கலையை பயில்வதன் மூலம் ஒருவிதமான மன அமைதி, மன தைரியம், போன்றவைகளை உணர முடிகிறது . உலகமே இப்போது இயந்திர மயமாகியுள்ள நிலையில், நமது பாரம்பரிய கலைகளின் பாவணை  குறைவடைந்தும் வருகின்றது.  இந்நிலையில் அதனை பாதுகாக்க வேண்டியது கலைஞர்களான எமது கைகளிலேயே  உள்ளது என்கிறார் சிவக்ஷேத்திரம் நாட்டியப்பள்ளியின் ஸ்தாபக இயக்குநர் , இளம் பரத நாட்டிய ஆசிரியருமான  வீரசிங்கம் விஜேந்திரன்.

  திருகோணமலையை பிறப்பிடமாகவும் நாவலப்பிட்டியை வதிவிடமாகவும் கொண்ட பரத நாட்டிய கலைஞர் வீரசிங்கம்  விஜேந்திரன் தனது ஆரம்பக்கல்வியை கதிரேசன் கனிஷ்ட வித்தியாலயத்திலும் உயர்தர வகுப்பினை கதிரேசன் கல்லூரியிலும் கற்றுள்ளார். 

ஸ்ரீமதி துஷ்யந்தி பெரியசாமியை குருவாக கொண்ட இவர் , கல்லூரி காலத்தில் பல நிகழ்ச்சிகள், போட்டிகளில் பங்குபற்றி பல முதலிடங்களைப் பெற்று தங்கப்பதங்கங்களைப் பெற்றுள்ளேன். இதுவே கலைத்துறைக்குள் நுழைவதற்கு அடித்தளமாக இருந்ததாகவும்;  பரத நாட்டிய ஆசிரியர்  வீரசிங்கம் விஜேந்திரன்  தெரிவித்துள்ளார். 

 எதிர்வரும் 20ஆம் திகதி தனது 22 ஆவது மாணவியை அரங்கேற்றத்திற்கு தயாரப்படுத்தியுள்ள நிலையில் அது தொடர்பில்,  அவர் எம்முடன் பகிர்ந்துகொண்ட விடயங்கள் எமது வாசகர்களுக்காக....

.

 அகில இலங்கை ரீதியாக நடைபெற்ற நாட்டிய பயிற்சி பட்டறையில் நூற்றுக்கும் மேற்பட்ட மாணவர்கள், ஆசிரியர்கள் என பலர் கலந்துகொண்டனர். இப்பயிற்சி பட்டறையை நடத்துவதற்கு சென்னை கலாஷேத்திராவில் இருந்து  சிரேஷ்ட விரிவுரையாளர்கள் வருகைத் தந்திருந்தனர்.  பத்து நாட்கள் நடத்திய பயிற்சி பட்டறையில் இறுதி நாளன்று சென்னை கலாஷேத்திராவில் கல்வி கற்பிப்பதற்கு நான் தெரிவானேன். அதன் பின்னர் நாட்டியம் பயில்வதற்காக சென்னை சென்றேன். முழுமையான பயிற்சி பெற்று வந்த நான் இப்போது நாடளாவிய ரீதியில் பல வகுப்புக்களை உருவாக்கி நடாத்தி வருகின்றேன். 

மாணவனாக, கலைஞனாக இருந்து இப்போது குருவாக உயர்ந்துள்ளீர்கள் அதன் அனுபவங்கள் எத்தகையது?

மாணவனாக இருக்கும் போது ஆசிரியர்களின் வழிகாட்டலில் என்னை மெருகேற்றிக் கொண்டேன். அதே போன்று இத்துறையில் பிரகாசிக்க வைப்பதற்காக என்னை ஒரு மாணவனாக என் குருவின் வழிநடத்தலில்   திறம்படக் கற்றுக்கொண்டேன். 

சென்னை கலாஷேத்திராவில் கற்ற போது பல நாட்டிய நாடகங்கள், நாட்டிய நிகழ்வுகள் போன்றவற்றில் கலந்துக்கொண்டேன். இலங்கைக்கு  வந்ததும் பல நிகழ்ச்சிகள், தொலைக்காட்சி நிகழ்ச்சிகள் பலவற்றில் அழைப்பு வந்தது. அதன் பின்னர் பல மேடை நிகழ்ச்சிகளில் கலந்துகொண்டு என்னை ஒரு நாட்டிய கலைஞனாக நம் நாட்டில் நிலைநிறுத்திக்கொண்டேன்.

தற்போது குருவாக உயர்ந்திருப்பது எனக்குப் பெருமையாக இருக்கின்றது. இதற்கு எல்லாம் வல்ல நடராஜ பெருமானின் ஆசியும் எனக்கு உறுதுணையாக உள்ளது.  தற்போது, ஒரு குருவாக அதிகளவான பொறுப்புக்கள் என்முன்னுள்ளது. 

மாணவர்களுக்கு சரியான விதத்தில் கற்றுக்கொடுக்க வேண்டும். அவர்களை ஒரு கலைஞனாக உருவாக்குவது எம் கைகளிலேயே இருக்கின்றது என்ற அதீத பொறுப்புக்களை சுமந்தவனாக செயற்படுகின்றேன்.

  சகோதர மொழி பேசும் மாணவர்கள் என்னிடம் அதிகளவாக கற்பதனால் அவர்களுக்கு அவர்களது மொழியில் புரியும் படி கற்றுக்கொடுக்க வேண்டிய பாரிய பொறுப்பு என்னிடம் உள்ளது. ஆரம்பத்தில் கடினமாக இருந்தாலும் இப்போது அவற்றை இலகுவாக மாற்றிக்கொண்டேன். இது மனதிற்கு பெரும் மகிழ்ச்சி. 

இதுவரையில் 21 அரங்கேற்றங்கள் செய்துள்ள நீங்கள் உங்களது அரங்கேற்றத்தை பற்றியும் , உங்களது மாணவர்களை நீங்கள் அரகேற்றம் செய்யவது பற்றியும் எம்முடன் பகிர்ந்துக்கொள்வீர்களா?

நான் அரங்கேற்றம் செய்ய வேண்டும் என்ற எண்ணம் வந்தபோது எதேட்சையாக எனக்கு புலமைப்பரிசில் பெற்று சென்னை செல்ல வேண்டிய நிலை ஏற்பட்டதால் நான் அரங்கேற்றம் செய்யும் நிலை மாறியது. அதன் பின்னர் இலங்கை வந்ததும் பல மேடை நிகழ்ச்சிகள் செய்வதற்கு  ஆரம்பித்தும் அந்த எண்ணம் கை விடப்பட்டது.

எனது நாட்டியப்பள்ளி ஆரம்பிக்கப்பட்ட காலப்பகுதியில் இருந்து இதுவரை 21 மாணவர்களுக்கு அரங்கேற்றங்களை நடாத்தியுள்ளேன். அரங்கேற்றங்கள் நடத்தியுள்ளேன்.  இவற்றுள் 16 மாணவிகள் சகோதர மொழி பேசுபவர்கள் என்பது இங்கு குறிப்பிட்டத்தக்கது 

கடந்த வருடம் 10 வயது சிறுமியின் அரங்கேற்றம் நடைபெற்றது அது பலரது பாராட்டையும் பெற்றதாக அமைந்தது 

பொதுவாக ஆண்கள்  இத்துறைக்குள் பிரவேசிப்பது அரிதான நிலையில் நீங்கள் இத்துறையில் தொடர்ச்சியாக மிளிர ஏதுவாக இருந்த விடயங்கள் பற்றி?

ஆரம்ப காலத்தில் இந்தியாவை போன்று ஆண் நடன கலைஞர்கள் குறைவாகவே இருந்தனர் ஆனால், இப்போது நிலைமைமாறி இலங்கையிலும் பெரும்பாலான ஆண்கள் நாட்டிய கலைஞர்களாக  இருக்கின்றனர்.   

எனது நடன அமைப்புக்கள் கூடுதலாக நிருத்ததிற்கு முக்கியத்துவம் தரப்படுவதாக இருக்கும் அதே போன்ற நான் இன்று இத்துறையில் மிளிர்வதற்கு எல்லாம்; வல்ல நடராஜபெருமனின் ஆசியும் எனது குருக்களின் ஆசியும் எனக்கு கிடைத்த திறமையான மாணவர்களுமே நான் இன்று இத்துறையில் மிளிர்வதற்கு காரணம் என நான் நினைக்கிறேன்.

பரதக்கலையில் உங்களது ஆஸ்த்தான குரு யார்.? அத்துடன் உங்களைப்பற்றி எம்முடன் பகிர்ந்துக்கொள்வீர்களா?

பரத நாட்டியதில் எனது 03 வயதில் ஆசிரியை ஸ்ரீமதி சுமதி சன்முகவேலிடம் ஆரம்பித்தேன் அதன் பிறகு கல்லூரியில் ஸ்ரீமதி துஷ்யந்தி பெரியசாமி அவர்தான் என்னுடைய என்னை நாட்டிய கலைஞனாக இந் நிலைக்கு உயர்த்தியவர்.  அதே போன்று மேலதிக   வகுப்பை ஸ்ரீமதி சிவாந்தி இராமமூர்த்தியிடம் கற்றேன் 

ஆனால், இன்று பல நடன யுக்திகளையும் பல விடயங்களையும் கற்றுத்தரும் ஒரு ஒரு ஆசானாக என்னை தொடர்ச்சியாக வழிநடத்திச் செல்பவர் ஸ்ரீமதி வைஜெயந்திமாலா செல்வரட்ணம் என்பது குறிப்பிடத்தக்கது.

இந்த நவீன யுகத்தில் கலைத்துறையில் ஈடுபடுபவர்களின் நிலை எவ்வாறான உள்ளது? மாணவர்கள் ஆர்வத்துடன் செயற்படுகின்றார்களா?

மாணவர்கள் மிகவும் ஆர்வத்துடன் இக் கலையை கற்கின்றனர் அவர்களுக்கு சிறந்த முறையில் இக்கலை குருவாக எம்மால் சென்றடைய வேண்டும் என்பதில் எமக்கு பெரும் பங்கு உள்ளது. ஏனெனில் நாளை சிறந்த கலைஞர்களாக உருவாக வேண்டியவர்கள் அவர்களே.

இந்த நவீன யுகத்தில் பரதக் கலையை பயில்வதன் மூலம் ஒருவிதமான மன அமைதி, மன தைரியம், போன்றவைகளை உணர முடிகிறது. உலகமே இயந்திரமயமாகியுள்ள நிலையில்,  மன அழுத்தத்தை போக்குவதற்கு இன்று பெரும்பாலானவர்கள் நடனத்தை விரும்பி கற்கின்றனர்.

அத்தோடு நவீன யுகத்தில் நமது பாரம்பரிய கலைகளின் பாவணை  குறைவடைந்தும் வருகின்றது. இந் நிலையில் அதனை பாதுகாக்க வேண்டியது கலைஞர்களான எம் கையில் உள்ளது. 

எதிர்வரும் சனிக்கிழமை உங்களது மாணவியொருவரின் அரங்கேற்ற நிகழ்வு இடம்பெறவுள்ளது. அது பற்றி எம்முடன் பகிர்ந்துக்கொள்ள முடியுமா?

 எதிர்வரும் 20 ஆம் திகதி மாலை 05.15 க்கு புதிய கதிரேசன் குமாரி தாருண்யா மகேஸ்வரனின் பரதநாட்டியம் அரங்கேற்றம் நடைபெறவுள்ளது

இந் நிகழ்வில் பிரதம அதிதியாக செல்வி சுகிர்தா தேவி முத்துசாமி கௌரவ அதிதிகளாக கலாபூஷணம் வைஜயந்திமாலா செல்வரட்ணம் கலைமாமனி ஷாமினி ராமநாதன் கலைமாமனி சிவாந்தி ராமமூர்த்தி , மற்றும் சிறப்பு அதிதியாக பிரதீப் குமார் முத்துசாமி ஆகியோர் கலந்து கொள்ளவுள்ளனர்

 இந்நிகழ்வில, குரலிசை- ஸ்ரீ திவாககர் செல்வரட்ணம், மிருதங்கம் ஸ்ரீ லோகேந்திரன் மகேந்திரன், வயலின் ஸ்ரீ திபாகரன், தாள தரங்கம் - ஸ்ரீ ரட்ணம் ரட்ணதுரை, புல்லாங்குழல் - ஸ்ரீ பிரியந்த ஆகியோர் அணிசேர் கலைஞர்களாக செயற்படவுள்ளனர். 

 ஒரு  நேர  உணவுக்காகவே  உடல் களைக்க  உழைக்கின்றோம். ஆனால், அந்த உணவுக்கு நாம் எந்தளவு மதிப்பு கொடுக்கின்றோம் என்பது தான் எமது எல்லோர் மனதிலும் எழும் கேள்வி. மாபெரும் விழாக்கள், வைபவங்கள் ஏன் சாதாரண நிகழ்வுகளைக் கூட இலட்சக்கணக்கான ரூபாய்களை செலவு செய்து நடத்துகின்றோம். அதில் விருந்தினர்களை திருப்திப்படுத்துவதற்காக உணவுக்காக  குறைந்தது 75 சதவீதமாவது செலவுகளில்  ஒதுக்கிடுகின்றோம்.

இவ்வாறு ஒதுக்கி மனமாற உணவு சமைத்தாலும் அதனை முழுமையாக உண்ணாமல் ஆசைக்கு ஒரு கோப்பையை  நிரப்பிக்கொண்டு சாப்பாட்டு மேசைக்கு சென்று அமர்ந்து உண்ணும் போது, அதனை முழுமையாக உண்கின்றோமா? அதில், வயிற்றுக்கு கால் வாசி குப்பைக்கு முக்கால்வாசி என விரையமாக்கப்படுகிறது என்பது தானே உண்மை.

இப்போதைய காலத்தில் இது பெஷனாகவும் ஆகிவிட்டது. இவ்வாறு வீசியதன் வலியை கொரோனா காலத்தில் எவரும் உணராமல் இருந்திருக்க வாய்ப்பில்லை.

இவையெல்லாம் மனதில் இறுத்தி 'உணவு ஆடம்பரப் பொருள் இல்லை' என்ற உணர்வில் எழுந்ததே எங்கள் குழுவினரின் 'பசித்தவன்' குறுந்திரைப்படம் என்கிறார் இளம் இயக்குநர் வி.டெனிஸலஸ்.

ஒரு வேளை உணவு இல்லாதவர்களுக்கே உணவின் அருமை புரியும் என்பதை மிகவும் தத்ரூபமாக விளக்குவதாக  சுமார் 7-10 நிமிடத்திற்குள் உருவாக்கப்பட்டுள்ள இந்த குறுந்திரைப்படத்தின் கதைக்களம், ஒளி, ஒலி, கதைக் கருப்பொருள் என்பன அருமையாக காட்சிப்படுத்தப்பட்டுள்ளன.

அட்டனிலிருந்து 10 கி.மீ  தூரத்தில் நோட்டன் வீதியில் அமைந்துள்ள ஒஸ்போன் தோட்டத்தில் உள்ள  இளம் இளைஞர்கள் தோட்ட மக்கள் , பாடசாலை ஆசியர்கள் மற்றும் நண்பர்களின் உதவியுடன் 2020ஆம் ஆண்டு டிசம்பர் மாதம் 12 ஆம் திகதி படப்பிடிப்பை ஆரம்பித்த அதே மாத இறுதியில் நிறைவு செய்துள்ளனர்.

இந்த குறும்படத்தினை My Friends Productions எனும் YouTube தளத்தில் தரவேற்றி படத்தினை கடந்த 6 ஆம் திகதி உத்தியோகபூர்வமாக வெளியிட்டுள்ளனர்.

இதில் துரதிஸ்டவசமான  சம்பவம் ஒன்று இடம்பெற்றதையும் இங்கு நினைவுபடுத்த வேண்டும். இக் குறுந்திரைப்படத்தில் நடித்த 12 வயது இளம் கலைஞன் மாணவனாக பிரதான கதாப்பாத்திரத்தில் நடித்த  தோபியா எஸ்கர்;, தனது வீட்டில் இரவு ஆழ்ந்த நித்திரையின் பாம்பு கடிக்குள்ளாகி  இம்மாதத்தின் முதல் வாரத்தில் உயிரிழந்தார்.

இப்பாலகனின் மறைவு செய்தி  பலரது உள்ளங்களையும் அதிர்ச்சிக்குள்ளாக்கியுதுடன் குறித்த தோட்டத்தையும் ஆழ்ந்த சோகத்தில் ஆழ்த்தியது. இவரின் மறைவுக்குப் பின்னரே 'பசித்தவன்' அதிகம் பார்க்கப்பட்டதாகவும் இது பற்றி பேசப்பட்டதாகவும் அவதானிக்கக் கூடியதாக இருந்தது. 5 ஆயிரத்துக்கும் அதிகமானவர்கள் இதனை பார்வையிட்டுள்ளனர்.

ஐந்து கதாப்பாத்திரங்களை கொண்டு உருவாக்கியுள்ள இக்குறும்படத்தில் பிச்சைக்கார கதாப்பாத்திரம் மிகவும் பிரமாதமாகவும் தத்ரூபமாக காட்சிப்படுத்தப்பட்டுள்ளமை இப்படத்திற்கு உயிரோட்டத்தையளித்துள்ளது எனலாம்.

ஆர்.டிலக்சன், ஏ.சஜன், ஏ.ஜெனிட்டா, ஆர்.தோபியா எஸ்கர், ஆர்.ஜோன் எஸ்கர், எம்.ராஜ்குமார், பி.கவிஸ்கரன், துசியந்தன் ஆகியோர் கதாப்பாத்திரங்களில் நடித்துள்ளனர். ஒவ்வொரு கதாப்பாத்திரமும்; இப்படத்திற்கு உயிரோட்டமாகவே அமைந்துள்ளது.

இத்திரைப்படத்துக்கு எழுத்து, ஒளிப்பதிவு, இயக்கம் என அனைத்திற்கும் சொந்தக்காரரான இயக்குனர் வி.டெனிஸ்லஸ்  உடனான உரையாடல் பற்றி இங்கு எமது வாசகர்களுக்காக....

இவ்வாறான ஒரு கருப்பொருளை எடுத்ததற்கான காரணம்?

நான் பல திருமண நிகழ்வுகள் உட்பட வேறு பல வைபவங்களுக்குச் சென்றுள்ளேன். அங்கு நான் அவதானித்த பிரதான விடயம் உணவு வீண்விரயம். இதனை பார்க்கும் ஒவ்வொரு தடவையும் மனது கணக்கும். இவ்விடயத்தை எப்படியாவது வெளிக்கொணர வேண்டும் என்றும் இதன் மூலம் உணவு வீண்விரயத்தை தவிர்க்க கூடியதான விழிப்புணர்வை ஏற்படுத்த வேண்டும் என்ற நோக்கத்துடனேயே இக்கருவை எடுத்தேன். பேச்சை குறைத்து சில செயல்கள் மூலமாகவே இந்த உணர்வை வெளிப்படுத்தினேன்.

இக்குறுந்திரைப்படத்துக்கான கதை களத்தை எவ்வாறு அமைத்துக்கொண்டீர்கள். கதாப்பாத்திரங்களை எவ்வாறு தேர்ந்தெடுத்தீர்கள்?

நான் வாழும் எனது ஊரான ஒஸ்போன் தோட்டத்திலேயே இப்படத்தை தயாரித்தேன். அனைத்து கதை களங்களும் இதே இடத்தைச் சேர்ந்தது. என்னிடம் படம் எடுப்பதற்காக நல்லதொரு தொலைபேசியோ அல்லது கமராவோ இல்லை. எமது ஊரைச் சேர்ந்த நண்பர் எஸ்.செல்வகுமார், தம்பி பெனடிக்ட் ஆகியோர் கெமரா உதவியை வழங்கினார்கள்.

அந்த உதவியினூடாக தற்போதுள்ள தொழில்நுட்ப வசதிகளை தரவிறக்கி முடியுமானவரை தரமாக இப்படம் அமைய வேண்டும் என்பதற்கு அமைவாகவே முயற்சித்தேன். எவ்வித பயிற்சியும் இல்லாமல் எம்மிடம் இருந்த சிறிய அளவிலான வளங்களை கொண்டு படைத்த படைப்பே இது.

மேலே குறிப்பிட்டுள்ள எனது நண்பர்கள் கதாப்பாத்திரங்களை ஏற்றுக்கொண்டார்கள். அதில் மாணவனாக எமது ஊரைச் சேர்ந்த எஸ்கர் எனும் 12 வயதுடைய சிறுவனே பிரதான கதாப்பாத்திரமாக நடித்துள்ளார்.  சிறப்பாக நடித்த எஸ்கர் இன்று எம்முடன் இல்லை என்பதே வேதனைக்குறிய விடயம். எமது குழுமம் அவனது இழப்பினால் பெரும் வருத்ததத்தில் உள்ளோம். படத்தை செம்மையாக்கி முழுமையாக பார்த்த போது நானா? இப்படி நடித்துள்ளேன என்பதை பார்த்து எஸ்கர் வியந்தான். மிகத் திறமையான எஸ்கரை இளம் கலைஞனாக நாம் அறிமுகப்படுத்தினோம். எதிர்காலத்தில் சிறந்த கலைஞனாக உருவாகுவான் எனவும் எதிர்ப்பார்த்தோன். ஆனால், அவனுக்கு என்ன அவசரமோ எம்மை விட்டு பிரிந்துவிட்டான்.

 பிச்சைக்கார கதாப்பாத்திரத்தை தத்ரூபமாக அமைத்துள்ளீர்கள். அது எவ்வாறு ?

இந்த கதாப்பாத்திரத்தை எனது நண்பர் ஆர்.டிலக்ஷன் விரும்பியே ஏற்றுக்கொண்டார். அந்த பாத்திரத்திற்கான ஒப்பனையை ஜெனிட்டா செய்து விட்டார். சுமாராக நடிக்காமல் டிலக்ஷன் தன்னையே உண்மையான கதாப்பாத்திரமாக உருவாக்கிக்கொண்டவர். எனக்கே ஆச்சரியமாகவும் அதிர்ச்சியாகவும் இருந்தது. அந்த கதாப்பாத்திரம் காட்சிப்படுத்தப்படும் குப்பை கூலம் எமது ஊரில் உள்ள ஒன்று. அருகே செல்ல முடியாதளவிற்கு துர்நாற்றம். இருப்பினும் அதனையும் பொருட்படுத்தாது அதில் களமிறங்கியது எனக்கு ஆச்சரியத்தையே தந்தது. அதேபோல தாய், ஆசிரியர், மாணவன் உட்பட சகல கதாப்பத்திரங்களின் நடிப்பு படத்தை தொகுத்தப்பின்னர் வியக்கத்தக்கதாகவும் மிகவும் மகிழ்ச்சியாகவும் இருந்தது.

 இது உங்களது முதலாவது படைப்பா? இத்துறையில் உங்களுக்கு எவ்வாறு ஆர்வம் ஏற்பட்டது.

இது எனது 3ஆவது படைப்பு. கடந்த எட்டு வருடங்களாக அட்டன் திருச்சிலுவை ஆலய வருடாந்த ஒளிவிழாவிற்கு எமது தோட்ட ஒஸ்போன் மாணவர்களால் மேடை நாடகம் அரங்கேறியுள்ளது. அதனூடாக எமது ஒஸ்போன் பகுதி மாணவர்களுக்கு நடிப்பு பயிற்சிகளை வழங்கியுள்ளேன். அதனூடாகவே ஆர்வம் ஏற்பட்டது. அதன் பின்னரே 'என் இதயம் யேசுவிற்கு தெரியும்' , 'விசுவாசி' ஆகிய இரு குறுந்திரைப்டங்களினூடாக எம்மை அறிமுகப்படுத்திக்கொண்டோம். 

இயக்குனரும் ஆசிரியருமான தயாநிதிபாபு வழங்கிய அறிவுறுத்தல்களுக்கு அமைவாகவே சமூகம் சார்ந்த படைப்புக்களைத் தயாரிக்க வேண்டும் என்ற எண்ணத்தில் களம் இறங்கிய போது இந்த படைப்பை உருவாக்கினோம்.

இப்படத்திற்கு  உதவியவர்களுக்கு நீங்கள் கூறவிரும்புவது?

வி.பெனடிக், எஸ்.ஜோதிநாதன், பேரின்பநாயகம், கலைவாணன் (ஆசிரியர்) சதீஸ் ஆகியோர் பெரும் உதவிகளை வழங்கினார்கள் என்பதை இங்கு நினைவு படுத்துகின்றேன். பாடசாலையில் அனுமதி வழங்கிய ஆசிரியர்களான வீரதுரை , நிக்சன் ஆகியோருக்கும் மனம் நிறைந்த நன்றிகள.;

எதிர்;காலத்தில் மேலும் பல சிறந்த சமூகம் சார்ந்த படைப்புக்களை உருவாக்குவதற்கு எத்தணித்துள்ளோம். உங்களின் ஆதரவு ஆசீர்வாதம் இருந்தார் பல படைப்புக்களை தயாரிக்கலாம்.

முன்னேற துடிக்கும் இந்த இந்த இளம் கலைஞர்களை வாழ்த்துவோம்.

 Nandri Thamilan 'ilakkiya sangamam'

 24/01/2021